(c4) Et(hv) om(hvhv)nis.(g) (::) Me(h)mé(g){n}to Dó(hr0)_{mi}(g)ne(h) *Da(i)vid(h) :(:) {et} omnis mansuetúdinis(hr0) _e(g)jus.(h) (::)
- Meménto Dómine David : et omnis mansuetúdinis ejus.
- Sicut jurávit Dómino : votum vovit Deo Jacob.
- Si introíero in tabernáculum domus mee : si ascéndero in lectum strati mei.
- Si dédero somnum óculis meis : et pálpebris meis dormitatiónem.
- Et réquiem tempóribus meis donec invéniam lócum Dómino : tabernáculum Deo Jacob.
- Ecce audívimus eam in Effrata : invénimus eam in campis silve.
- Introíbimus in tabernáculum ejus : adorábimus in loco ubi stetérunt pedes ejus.
- Surge Dómine in réquiem tuam : tu et arca sanctificatiónis tue.
- Sacerdótes tui induántur justíciam : et sancti tui exúltent.
- Propter David servum tuum : non avértas fáciem Christi tui.
- Jurávit Dóminus David veritátem et non frustrábitur eam : de fructu ventris tui, ponam super sedem tuam.
- Si custodíerint fílii tui testaméntum meum : et testimónia mea hec que docébo eos.
- Et filii eórum : usque in séculum sedébunt super sedem tuam.
- Quóniam elégit Dóminus Syon : elégit eam in habitatiónem sibi.
- Hec réquies mea in séculum séculi : hic habitábo quóniam elégi eam.
- Víduam ejus benedícens benedícam : páuperes ejus saturábo pánibus.
- Sacerdótes ejus índuam salutári : et sancti ejus exultatióne exultábunt.
- Illuc prodúcam cornu David : parávi lucérnam Christo meo.
- Inimícos ejus índuam confusióne : super ipsum autem efflorébit sanctificátio mea.
- Glória Patri et Fílio : et Spirítui Sancto.
- Sicut erat in princípio et nunc et semper : et in sécula seculórum, Amen.
(c4) Et(hv) om(hvhv)nis(g) *(,) man(g)su(f)e(gv)tú(ixiv)di(iv)nis(g) e(ixiv)jus.(h) (::)