(c3) Mi(e)se(e)ré(fv)re.(ed) (::) Cum (e) in(f){vo}cárem exaudívit me Deus justície (hr0) *me(i)e(hr0) :(:) {in} tribulatióne dila(hr0)_tás(g)ti (h) mi(f)chi.(e) (::)

PsalmusIV

1. Cum invocárem exaudívit me Deus justície mee : in tribulatióne dilatasti michi.
2. Miserére mei : et exáudi oratiónem meam.
3. Fílii hóminum úsquequo gravi corde : ut quid dilígitis vanitátem, et quéritis mendácium.
4. Et scitóte quóniam mirificávit Dóminus sanctum suum : Dóminus exáudiet cum clamávero ad eum.
5. Irascímini et nolíte peccáre que dícitis in córdibus vestris : et in cubílibus vestris compungímini.
6. Sacrificáte et speráte in Dómino : multi dicunt, Quis osténdit nobis bona.
7. Signátum est super nos lumen vultus tui Dómine : dedísti letíciam in corde meo.
8. A fructu fruménti vini et ólei sui : multiplicati sunt.
9. In pace in idípsum : dórmiam et requiéscam.
10. Quóniam tu Dómine singuláriter in spe : constituísti me.
11. Gloria Patri et Fílio : et Spiritui Sancto.
12. Sicut erat in princípio et nunc et semper : et in sécula seculórum, Amen.

PsalmusXXX

1. In te Dómine sperávi non confúndar in etérnum : in justícia tua líbera me.
2. Inclína ad me aurem tuam : accélera ut éruas me.
3. Esto michi in Deum protectórem : et in domum refúgii, ut salvum me facias.
4. Quóniam fortitúdo mea et refúgium meum es tu : et propter nomen tuum dedúces me, et enútries me.
5. Edúces me de láqueo quem abscondérunt michi : quóniam tu es protéctor meus.
6. In manus tuas comméndo spíritum meum : redemísti me Dómine Deus veritátis.
7. Gloria Patri et Fílio : et Spiritui Sancto.
8. Sicut erat in princípio et nunc et semper : et in sécula seculórum, Amen.

PsalmusXC

1. Qui hábitat in adjutório Altíssimi : in protectióne Dei celi commorábitur.
2. Dicet Dómino, Suscéptor meus es tu, et refúgium meum Deus meus : sperábo in eum.
3. Quóniam ipse liberávit me de láqueo venántium : et a verbo áspero.
4. Scápulis suis obumbrábit tibi : et sub pennis ejus sperábis.
5. Scuto circúndabit te véritas ejus : non timébis a timóre noctúrno.
6. A sagítta volánte in die, a negócio perambulánte in ténebris : ab incúrsu et demónio meridiáno.
7. Cadent a látere tuo mille, et decem mília a dextris tuis : ad te autem non appropinquábit.
8. Verúntamen óculis tuis considerábis : et retributiónem peccatórum vidébis.
9. Quóniam tu es Dómine spes mea : Altíssimum posuísti refúgium tuum.
10. Non accédet ad te malum : et flagéllum non appropinquábit tabernáculo tuo.
11. Quóniam ángelis suis mandávit de te : ut custódiant te in ómnibus viis tuis.
12. In mánibus portábunt te : ne forte offéndas ad lápidem pedem tuum.
13. Super áspidem et basilíscum ambulábis : et conculcábis leónem et dracónem.
14. Quóniam in me sperávit liberábo eum : prótegam eum quóniam cognóvit nomen tuum.
15. Clamávit ad me et ego exáudiam eum : cum ipso sum in tribulatióne, erípiam eum et glorificábo eum.
16. Longitúdine diérum replébo eum : et osténdam illi salutáre meum.

PsalmusCXXXIII

1. Ecce nunc benedícite Dóminum : omnes servi Dómini.
2. Qui statis in domo Dómini : in átriis domus Dei nostri.
3. In nóctibus extóllite manus vestras in sancta : et benedícite Dóminum.
4. Benedícat te Dóminus ex Syon : qui fecit celum et terram.
5. Gloria Patri et Fílio : et Spiritui Sancto.
6. Sicut erat in princípio et nunc et semper : et in sécula seculórum, Amen.

(c3) Mi(e)se(e)ré(fv)re(ed) mi(ef)chi(fv) Dó(e)mi(de)ne :(ev) (;) et(fv) ex(hv)áu(gh)di(f) o(f)ra(fe)ti(d)ó(ef)nem(fv) me(e)am.(e) (::)